Fotografía: Julián en bicicleta pola praia de Cabanas © JSC
![](https://jorgesalgadocortizas.com/wp-content/uploads/2020/05/09-1.jpg)
Se a infancia é a patria máis prezada, o verán é o seu paraíso. Un lugar ao que de adultos gustaríanos regresar. Días de estar en remollo, de indolencia, risas e aburrimento, e entremedias o xogo. Ese xogo que só gozamos de neno, sen normas nin xoguetes, sen adultos e con amigos. Xogo de verdade, logo perdido, que lembramos con agarimo e ao que se mira dende a madurez coa indulxencia de sobrevivir e aprender.